W piyrszyj grupie momo drużyna, co stracioła nojmaniyj bramek, bo ino dwie. Je to Szymiszów i żodno inkszo drużyno niy mo lepszyj obrony. Przinajmniyj na razie. Jedna bramka wiynyj stracone majom Mokre Łany i to tyż je manszaft z piyrszyj grupy. Mokre Łany som przed Szymiszowym, bo majom dwa punty wiyncyj i kupa wiyncyj bramek naszczylanych. Kej jednak godomy o straconych bramkach, to bardzo dobro łobrona mo tyż Kielcza, bo tyż ino trzi stracone. Kielcza je w drugiyj grupie i je w niyj liderym.

Podokręg Strzelce Op. jako pierwszy w tym sezonie opublikował terminarze prowadzonych przez siebie rozgrywek. Niniejszym możemy je zaprezentować. Strzelecka bundesliga grać będzie, jak zwykle w trzech grupach, początek sezonu zaplanowano na 21 sierpnia. Miłym akcentem tegorocznych terminarzy są mapki przygotowane przez podokręg, które w przejrzysty sposób przedstawiają podział geograficzny na trzy grupy.

Dopiyro w łostatnim szpilu łokozało się, że do A-klasy awansowała Jemielnica. Tydziyń tymu dała sie przegonić Piotrówce i wiela nie brakło, coby tak łostało, na szczynście jednak dlo Jemielnicy Piotrówka w łostatnim szpilu przegrała w Grodzisku i dała sie przegonić. Do A-klasa włazi wiync Jemielnica i chyba cyrk z walkoweroma sie tera skończy.

W pirszyj grupie momy zmiana lidera! Je nim tera Piotrówka, wtoro na kolyjka przed końcym przegonioła Jemielnica. Jemielnica w ostatnim szpilu zrymisowała we Szymiszowie 1-1 i stracioła dwa punkty. Piotrówka w tym samym czasie wygrała z Rożniontowym i mo tera punkt wiyncyj od Jemielnicy. To sie dopiyro porobioło. Kibice Piotrówki i Jemielnicy durch sie wadzom o walkowery s poczontku wiosny i do dzisiej nie umiom sie dogodać. Nie umiom tyż OZPN-y, bo jedne tyn walkower dowajom, a inksze cofinajom i wyglondo to trocha tak, jak swada kibiców, co kożdy sie na przepisach lepiyj zno, ino że kożdy po swojymu.

Już ino jednego punktu brakuje rezerwom Piasta, żeby awansować do A-klasy. Dzisiej Piast leko ogroł ostatni manszaft tabeli, Zimno Wódka 6-0, a Jaryszów ogroł na wyjeździe Kadłubiec 1-0. Piast mo dalyj 5 punktów przewagi, a do końca łostały ino dwa szpile. Musiołby sie chyba trefić jakiś cud, coby Jaryszów przeskoczół Szczelce, je to prawie niemożliwe i Piast mo awans już w kieszyni, szampan już idzie w lodówce chłodzić, na bez tydzień moge sie przidać jak nic.

Walkower dlo Jemielnicy za mecz z Piotrówkom z 10 kwietnia jest cofniynty. Przywrócony je wynik z boiska, w którym Piotrówka wygrała 7-2. Momy uzasadnienie z Opola, wtore anuluje decyzja podokryngu w Szczelcach, jako niezgodno z regulaminym

LZS IZBICKO - NAPRZÓD JEMIELNICA 0-1 (0-0)

0-1 74min. Dawid Galas

Izbicko: ?
Jemielnica: Jakub Szłapa - Paweł Wiechoczek, Michał Rupacz, Artur Mateja (46 Grzegorz Meinhardt), Damian Kalisz, Paweł Jaskóła, Krzysztof Korczak (65 Michael Pinkawa), Dawid Galas, Daniel Bombelka, Dariusz Grochla, Marcin Chodań

Kupa szumu zrobioło sie skuli meczu Piotrówki z Jemielnicom. To boł szpil z tych, co to "choby slecieć, ale tyn muszymy wygrać". Szpil tyn wygrała Piotrówka i to konkretnie, bo aż 7-2, ale podokryng Strzelce prziznoł Jemielnicy walkower, bo Piotrówka wystawioła we składzie chopa, co w rezerwie nie mog grać. Piotrówka sie z tym nie zgodzioła i napisała odwołanie do Opola, ale na razie do tabeli wpisujymy walkower.

Tydziyń tymu Piotrówka wygrała u siebie ze Jemielnicom, a terozki dostała smary od Krośnicy. Chyba prawie mieli ci, co godali, że to, jak gro Piotrówka, zależy od tego, wiela dostanom ludzi z piyrszego składu. Z Jemielnicom to bol szpil o prestiż, a tero już niy i przedostatnio w tabeli Krośnica łograła wicelidera. Jemielnica zaś wygrała ze Staniszczoma 3-0 i zaś mo sztyry punkty przewagi.

LZS II PIOTRÓWKA - LZS JEMIELNICA 7-2 (1-0)

1-0 20min. Wons
2-0 55min. Ilnicki (karny)
3-0 60min. Hejduk
4-0 63min. Emeka
4-1 67min. Grochla
5-1 74min. Obaka
6-1 82min. Babatunde
6-2 86min. Bombelka
7-2 88min. Obaka

Piotrówka: Nikołajczyk - Jagła, Shereni, Grolik, Lechowicz (Kołodziej),  Obaka, Wons, Ilnicki (Dziewior), Hejduk (Kusidło), Emeka (Cisse), Babatunde
Jemielnica: Szłapa - Rupacz, Wiechoczek, Kalisz, Bombelka, Jaskóła, Meinhardt (Mateja), Korczak, Pyka, Grochla, Chodam

Nojważniejszy mecz szczeleckiej bundesligi momy już za sobom. Piotrówka gładko ograła Jemielnica 7-2, ale wiela godki sie po tym meczu zaczono, to jeszcze na dugo starczy. Coby nie pedzieć, boło na co patrzeć, a jak wto lubi oglondać gole, na pewno nie żałuje, że wybroł się na tyn szpil.

We krapkowickiyj bundeslidze do awansu ostały się ino dwie drużyny: Racławiczki i Krympna. Chyba, że wtoroś po drodze zesłabnie, abo jako inkszo jeszcze dojdzie te dwie. Na razie oprócz tyj dwójki nie widać inkszych konkuryntów. Racławiczki wygrały swój szpil 5-0, zaś Krympna, coby nie być gorszo, wygrała 6-1.

No i doczekali my sie. Szczelecko bundeliga dała sie do granio. Na piyrszy łogiyń poszoł szpil Jemielnicy z Kalinowym. Jemielnica je na liderze, bez cołko jesiyń stracioła ino 5 bramek i coroz bardziyj zaczyno wierzyć, że tym razym awand do "Serie A" sie udo. Tym bardziyj wszyscy byli ciekawi piyrszego szpilu, coby zmiarkować, jak drużyna wyglondo po zimowyj przerwie. No i okazało się, że całkiym dobrze. Jemielnica wygrała z Kalinowym 4-0 i pokozała, że dalyj je w dobryj formie.

Krapkowicko B-klasa, abo jak niewtorzy na nia godajom, bundesliga, już zaczła grać. Inksze grupy jeszcze majom przerwa, ale w Krapkowicach już niy. We szpicy je doś ciasno, a po dzisiejszych szpilach zrobioło sie jeszcze ciaśniyj. Racławiczki ino zrymisowały we Nowym Dworze 1-1 i jejich przewaga nad Krympnom stopniała do dwóch punktów. Krympna grała u siebie ze Straduniom i leko wygrała 5-0.

Chnet startuje szczelecko bundesliga. Niewtorzy już sie nie poradzom doczekać. Tyla czasu bez fusbalu, to łogupieć idzie. A styknie ino wjerzeć na tabela, coby zaro zaczło się goronco robić. No bo patrzcie ino, na piyrszym placu je Jemielnica i mocno się sadzi na awans. Nie bołoby w tym jeszcze nic dziwnego, ale zaro za Jemielnicom je Piotrówka i tyż sie sadzi na awans.