LigaNetPl

Dopiyro w łostatnim szpilu łokozało się, że do A-klasy awansowała Jemielnica. Tydziyń tymu dała sie przegonić Piotrówce i wiela nie brakło, coby tak łostało, na szczynście jednak dlo Jemielnicy Piotrówka w łostatnim szpilu przegrała w Grodzisku i dała sie przegonić. Do A-klasa włazi wiync Jemielnica i chyba cyrk z walkoweroma sie tera skończy.

W grupie drugiyj Piast już groł ło pietruszka, ale nie doł szans Starymu Ujazdowi i potwierdzioł, że boł nojlpepszym manszaftym tyj grupy. Tak samo i w trzeciyj grupie nowy beniaminek A-klasy, Racławiczki, tyż pokozały, że nie z darma wygrały liga i na do widzenia wciepły trzi tory Strzeleczkom i takim doś srogim zwyciynstwym zakończoły sezon.