Piyrszo majowo kolyjka strzeleckiej bundesligi to szpile piyrszyj drużyny z ostatniom, i drugiyj z trzeciom. Kadłubiec gro u siebie z Dziewkowicoma i jak nie wygro tego szpilu i to fest, to bydzie niespodzianka. Dziewkowice w Kadłubie niy majom szans, ale na szpil jechać trza, bo synsacje sie niekiedy zdarzajom.
We Szymiszowie szykuje sie zaś szpil sezonu. Tyncza zagro ze Mokrymi Łanami i może to być nojciekawszy szpil kolyjki. Szymiszów je drugi ze stratom dwóch punktów do lidera, a Mokre Łany tracom do Szymiszowa sztyry. Jak we Szymiszowie wygrajom, to bydom mieć ino punkt straty.
Łoba mecze w niedziela o piontej. Inksze mecze tyż bydom w niedziela o tyj samyj godzinie. Jak chcecie, coby napisać, wto szczyloł bramki, to wpiszcie ich na forum razym z minutami, kiedy szczylali. Wtedy jak klikniecie na szpil, to obok dostaniecie dokładno informacyjo wto, kiedy i komu.